Johtin I, 2016

Britta Marakatt-Labba

Britta Marakatt-Labba: Johtin I, 2016. Dát lea akta ávnnas maid mon ožžon ovtta olbmos, dát lei leamaš ovtta vancca nalde, ja go mearračáhci lea beassan bargat dáinna, de dat attii munnje hui buori dovdduid bargat dainna Johtin-govain. Ja mon bassen dán ávdnasa ja go dat bođii olggos bassanmašiinnas, de das ledje hui olu dakkár ráiggit ja munnje lei hui buorre juste dat. Mon jurddahin, dat lei juste dá dát johtin, ahte olbmot šaddet johttát eret gasku gávpoga ja dohko báhcet hui ollu dakkár ráiggit. Ja dat lei juste, dá dát ráiggit mat šaddet, dat attii, das vulge ollu dakkár rájit man guvlui val. Ja de dat manai ovtta báikái gos čuožžu S, ja das oaidná hui dárkilit dat LKAB, maid dat bargá gávpogiin, gosa hal dat olbmuid bidjá, makkár báikkiide olbmot šaddet johtit, ja de oažžu dadjat dat lea soames ládje dakkár bággojohtin. Vaikko jus don beare jođát ovtta kilomehtera ellege moadde, muhto don goit šattat johttát iežat boares orohagain eret, ja don it dieđe aginis gosa dat bidjet du. Don hal it dieđe man guhká don beasat orrut dan ođđa báikkis, daningo doppe dien ođđa gávpotbáikkis leat maid, doppe lea maid girkogárdi ja dohko hal maid hui ollu šaddet olbmot bidjojuvvot dohko ja… Ja danin mon lean bidjan dieid P, parkeringsbáikkiid. 

Dás oaidná maid daid nissoniid main lea ládjogahpir, ja dieđusge dat ládjogahpir, dat leat nissonat mat guddet daid gahpiriid, mat geahččalit várjalit. Ja sis lea hui ollu fápmu. Ja dieđusge, dát gahpirat hal gildojuvvoje dalle go jáhkku bođii Sápmái. Muhto nissonolbmot leat hui hutkát. Dat hutke ahte jus mii molsut dá dán, jus bidjat gahpira iežas dá dán… Dohko maŋŋebeallái dá dán čoarvvi, de ii aktat máhte lohkat ahte dat lea ain… Ahte mii guoddit ain dan gahpira, ja dainna lágiin geahččalit várjalit ja suodjalit daid min eatnamiid ja daid min báikkiid, daid orohagaid. Ja dieđusge dat lea leamaš nu ahte, go sápmelaš lea johtán, mii eat leat aginis guođđán iežamet maŋis maidege, mii leat álo válljen dakkár ávdnasiid maid luondu ieš váldá vasdin ruoktot. Ja nu lea maid dát gahperhoidu, ahte jaskesvuođain, suollemasvuođain, dat leat doalahan dá dáid árbbiid mat leat leamaš.