Lodderáidaras, 2022

Britta Marakatt-Labba

Britta Marakatt-Labba: Lodderáidaras, 2022. Dán gova mon lean dahkan jorbbasin, daningo min eallimis leat jorba oasit goađis, dat lea máilbmi, gomuvuohta lea jorbbas, ja maid lodderáidaras, dat gávdno gomuvuođas. Dat álgá Sámedikkiin Kárášjogas, ja maid doppe mearridit politihkkárat. Doppe leat boazodoalloáššit maid galget gieđahallat, muhto de leat maid dá dát áššit mat, dat uhkádusat mat mis odne leat. Dat huksejit eanet ahte eanet dego stuora bieggamilluid, eanet ahte eanet eatnamiid váldet mis, ja dat dahká maid ahte min orohagat – dat ii leat šat nu oadjebasvuohta orrut doppe. Ja akta vel stuora oassi lea dat ahte go dálkerievdadeamit leat, de bohtet garra biekkat mat eai galgga leahkit vissis áiggiid jagis, dat dahká maid ahte – gávdnojit go min orohagat šat badjin go mii boahtit jagi maŋŋil seamma báikái, vai leago biegga lokten daid ja dolvon daid? 

Go boltut maid ruvkkiid ja várra daid osiid mat báhcet bidjet dego vutnii, dat dahká maid ahte dat guolit mat gávdnojit mearas, dat eai šat gávdno maŋŋel go leat nuoskkiduvvon. Ja min jáhkus leat golbma ipmila, mis leat Uksáhkká, Juoksáhkká ja Sáráhkká, ja sii geahččalit várjalit min eallima ja min ealáhusaid. Ovdal dat leat várra johtán ráidduin, mannan ovddas, muhto dál dat ii mana šat, dál juohke diŋga galgá nu johtilit mannat, ja dán áigge dat vudjet skohteriiguin, ja dat leat manname Sámediggái muitaleame, dáiguin áššiiguin dii fertebehtet geahččalit bargat.

Ja gasku dán gova mon lean bidjan beaivvi. Beaivi lea akta hui dehálaš oassi sámi nástemáilmmis, daningo dat lea gohčoduvvon dáivaha dronnet. Ja das čuožžuba Beaivvi Nieida ja Beaivvi Bárdni, geahččaleaba viisodaga juohkit, maid galgá bargat ja govt galgá mearridit vissis áššiin. Ja gasku leat ollu násttit ja juohke nástti gasku leat muođut. Ja akta muohtu lea, gullu Máttaráhkkái, ja Máttaráhkká lea dat mii juohká viisodaga daidda olbmuide mat ain gávdnojit dán máilmmis, muhto maid dat lea juohkán viisodaga daidda mat leat vádjolan. Ja dat fas de geahččalit muitalit govt min galgat dáinna máilmmiin eallit. Muhtimat várra eai guldal, ja nu hal dat orru neavttime, ahte eanas dat mat háliidit ahte galgat eanet ahte eanet oažžut olggos riggodaga dain min eatnamiin ja nu, dat eai guldal dan maid dat Máttaráhkká háliida selehit.