Máilmmi liegganeapmi II, 2021

Britta Marakatt-Labba

Britta Marakatt-Labba: Máilmmi liegganeapmi II, 2021. Dán gova mon lean gorron dainna lágiin ahte mon lean máhttán čuohppat olggos osiid ja duohkái bidjan veahá sierralágán ivnniid daidda, daidda báikkiide maid mun lean čuohppan olggos. Muhtin báikkiin lea hui dakkár, dakkár measta dego dat báitá jievjan. Dat lea dieigo goigo leat álgán suddat jieŋat, ahte dál ii leat šat nu oadjebas vuodjit jieŋaid nalde, don it dieđe goas dat luoddanit. Muhto, de lea maid dat oassi mii lea ruoksadin, ahte dat duođain álgá duoldat vuolil bajás, ja go manná rieggá sisa, de oaidná ahte dat leat hui ollu, dat leat dego jiekŋa… Dat lea álgán lihkadit hui ollu, ahte dál ii leat… Dál lea várálaš dán áigge johtit dieigo goigo ovdal lean johtán giđđat. De oainnán maid dá dán ruvkevári, mii lea dego ráhppá vulos. Ja de leat dakkár nábárahttin ráiggit vulos. Muhto diet nissonolbmot mat leat gasku, dat geahččalit goit suodjalit ja gáhttet dan min máilmmi, ahte ii eanet dáhpáhuva, mii lea dáhpáhuvvan dán rádjái. Ahte, dat mat mearridit mii galgá dáhpáhuvvat, maid galget boltut bajás eatnamiin, dat jurddahit hui njealječiegat eallima siste. Muhto sámi eallin, dat lea eanet jorbadassan. Juohke diŋga galgá mannat birra, mii galgat geahččalit suodjalit ja gáhttet dan maid mii leat ožžon. Ahte dat ii leat, dat ii biste agálaččat jus mii eat leat várrogasat iežamet eallimiin ja iežamet máilmmiin.